ପୁଣି ମାତିଲେ ହାଣ୍ଡିଆ ଗ୍ରାମବାସୀ
ଜଗତସିଂହପୁର :୨୨/୦୨ (ପ୍ର ସା) ପୁଣି ମାତିଲେ ହାଣ୍ଡିଆ ଗ୍ରାମବାସୀ ଜେସିବି ଆଗରେ ବସିଲେ , କାମକୁ ମଧ୍ଯ ବିରୋଧ କଲେ | ପରିସ୍ଥିତି ଉତେଜନା ହେବାରୁ କାମ କରିବାକୁ ଆସିଥିବା ଜେସିବି ଫେରିଗଲା | ଏଭଳି ଘଟଣା ଆଜି ଦେଖିବାକୁ ମିଳିଛି ପାରାଦୀପ୍ ହାଣ୍ଡିଆ ଗ୍ରାମ ପାଖରେ |×ଆର୍ସେଲର ମିତ୍ତଲ କମ୍ପାନୀ ର ବାଉଣ୍ଡ୍ରୀ କାମ ପାଇଁ ମାଟି ଘେରିବନ୍ଧ ନିର୍ମାଣ କିଛି ଠିକାଦାର ନେଇଥିବା ବେଳେ ଲୋକମାନେ ଏହି କାମ କୁ କରାଇ ଦେଉନାହାନ୍ତି | କମ୍ପାନୀ ପାଇଁ ସମ୍ପୂର୍ଣ୍ଣ ହାଣ୍ଡିଆ ଗ୍ରାମ ଟି ବିସ୍ଥାପିତ ହେଉଥିବା ବେଳେ ସେମାନଙ୍କୁ ଥଇଥାନ କରାଯିବା , ପରିବାର ର ଜଣଙ୍କୁ ଚାକିରି ଦେବା ଓ ଅନ୍ୟାନ୍ୟ ସୁବିଧା ସୁଯୋଗ ଯୋଗାଇ ଦେବା ପାଇଁ ଗ୍ରାମବାସୀ ମାନେ ଦୀର୍ଘଦିନ ହେବ ଦାବି କରି ଆସୁଥିବା ବେଳେ କମ୍ପାନୀ ଦାବି ପୂରଣ ପାଇଁ ପ୍ରତିଶୃତି ଦେଇ ପ୍ରତାରଣା କରୁଥିବା ଗ୍ରାମବାସୀ ମାନେ ଅଭିଯୋଗ କରିଛନ୍ତି | ଗତ ତିନିମାସ ତଳେ ଏହିଭଳି ସମସ୍ୟା ଉପୁଜୁଥିବା ଓ କମ୍ପାନୀ କର୍ତ୍ତୃପକ୍ଷ ଏହାର ସମାଧନ ପାଇଁ ଆଜି ପ୍ରତିଶୃତି ଦେବା ପରେ ଲୋକେ ଆନ୍ଦୋଳନ ରୁ ଓହରିଥିବା ଦେଖାଯାଇଥିଲା | କିନ୍ତୁ ପୁଣି ସମସ୍ୟା ର ସମାଧାନ ନକରି କିଛି ଠିକାଦାର ଆଜି କାର୍ଯ୍ୟ କରୁଥିବା ଖବର ପାଇ ଗ୍ରାମବାସୀ ମାନେ ଆଜି କାମ କୁ ବନ୍ଦ କରୁଥିବା ଦେଖାଯାଇଛି
