ନିମ୍ନମାନର କଂକ୍ରିଟ୍ ରାସ୍ତା ନିର୍ମାଣ ଅଭିଯୋଗ
କୁଜଙ୍ଗ :୧୮/୦୩ ଏରସମା ବ୍ଲକ ଢିଙ୍କିଆ ପଞ୍ଚାୟତର ତ୍ରିଲୋଚନପୁର ଗ୍ରାମରେ ଏରସମା ପଞ୍ଚାୟତରାଜ ବିଭାଗ ପକ୍ଷରୁ ନିର୍ମାଣ ହୋଇଥିବା ଦୁଇଟି କଂକ୍ରିଟ୍ ରାସ୍ତା ନିର୍ମାଣରେ ଦୁର୍ନୀତିର ଗନ୍ଧ ଥିବା ଅଭିଯୋଗ ଉଠିଛି ।ଏହି ରାସ୍ତାର ନିର୍ମାଣ ପରେ ଲାଗିଥିବା ସୂଚନା ଫଳରେ ସୂଚନା ନଥିବା ଦେଖିବାକୁ ମିଳିଛି ।ବିନା ସୂଚନା ଫଳକରେ କାମ କରିବାର ନିୟମ ନଥିବା ବେଳେ ବିଭାଗୀୟ କନିଷ୍ଠ ଯନ୍ତ୍ରୀ କିଭଳି ଭାବେ ଏହି କାମ କରିବାକୁ ଅନୁମତି ଦେଲେ ତାକୁ ନେଇ ପ୍ରଶ୍ନ ଉଠିଛି ।ତ୍ରିଲୋଚନପୁର ଗ୍ରାମର ଡମପଡ଼ା ସାହିର ଅଧା ପର୍ଯ୍ଯନ୍ତ ଏଇ ନଗଦରେ ତିଆରି ହୋଇଥିବା ରାସ୍ତାରେ ୫ ଲକ୍ଷ ଟଙ୍କା ଖର୍ଚ୍ଚ ହୋଇଥିବା ଦର୍ଶାଯାଇଛି। ଏହି କାମର ଏକ ସୂଚନା ଫଳକ ବି ଲାଗିଛି। କେବଳ ମାଟି ଓ ମୋରମ ପକାଇ ରାସ୍ତା ତିଆରି କରିବାକୁ ୫ ଲକ୍ଷ ଟଙ୍କା ଖର୍ଚ୍ଚ କରିବା ଯେତିକି ଯୁକ୍ତିଯୁକ୍ତ ନୁହେଁ ତା’ ଠୁ ଅଧିକା ଚିନ୍ତାଜନକ ହେଉଛି ରାସ୍ତା କାମରେ ମୋରମର ନାଁ ଗନ୍ଧ ନଥିବା। ଏହି କାମରେ ଦୁର୍ନୀତି ହୋଇଥିବା ଅଭିଯୋଗ ଉଠିବା ପରେ ଆହୁରି ଦୁଇଟା କଂକ୍ରିଟ୍ ରାସ୍ତା କାମକୁ ନେଇବି ପ୍ରଶ୍ନ ଉଠିଛି। ଗ୍ରାମର ବାଲିସାହି ଓ ମଲ୍ଲିକ ସାହିରେ ତିଆରି ହୋଇଥିବା ଦୁଇଟି କଂକ୍ରିଟ୍ ରାସ୍ତାର ମାନ ତ’ ଯାହା ହୋଇଛି ନକହିବା ଭଲ କିନ୍ତୁ କାମ ସରିବା ପରେ ମଧ୍ୟ ସେଠାରେ ଲାଗିଥିବା ସୂଚନା ଫଳକରେ କୌଣସି ତଥ୍ୟ ଲେଖାଯାଇନି। କେଉଁ ଠିକାଦାର କାମ କରିଛନ୍ତି, ରାସ୍ତାର ଆରମ୍ଭ ଓ ଶେଷ ମୁଣ୍ଡ ଭିତରେ ଦୂରତା କେତେ, କେଉଁ ବିଭାଗ କାମ କରାଇଛି ଓ କେତେ ଟଙ୍କା ପ୍ରକଳ୍ପ ଏବଂ କେଉଁ ଆର୍ଥିକ ବର୍ଷର କେଉଁ ଯୋଜନାର ଅନୁଦାନରୁ ଏହାର ନିର୍ମାଣ ହୋଇଛି ଏସବୁ ତଥ୍ୟ ରହିବା ବାଧ୍ୟତାମୂଳକ। ହେଲେ ଫଳକ ଲାଗିଛି ସିନା କିନ୍ତୁ ସୂଚନା ନାହିଁ। ବନ୍ୟା ସମୟରେ ଗାଁରେ ପାଣି ଜମି ରାସ୍ତା ବୁଡି ଯାଉଥିବା ବେଳେ ରାସ୍ତାରେ ଯାତାୟାତରେ ସମସ୍ୟା ହେଉଥିବାରୁ ଏହି ରାସ୍ତା ଗୁଡିକର ନିର୍ମାଣ କରାଯାଇଛି। ରାସ୍ତା ପିଛା ୨ ଲକ୍ଷ ୩୫ ହଜାର ଟଙ୍କା ଖର୍ଚ୍ଚ ହୋଇଥିବା ସୂଚନା ରହିଛି। ଏଭଳି ସବୁ ଠିକା କାମ ଗୁଡ଼ିକର ମାନ ନିମ୍ନ ହେଉଥିବାରୁ କନିଷ୍ଠ ଯନ୍ତ୍ରୀଙ୍କ ଅନୁପସ୍ଥିତ ଥିବା ଅଭିଯୋଗ ହୋଇଛି। ତୁରନ୍ତ କନିଷ୍ଠ ଯନ୍ତ୍ରୀଙ୍କ ଉପରେ ଦୃଢ କାର୍ଯ୍ଯାନୁଷ୍ଠାନ ଗ୍ରହଣ କରିବା ପାଇଁ ବିଭାଗୀୟ ଅଧିକାରୀ ମାନେ ଦୃଷ୍ଟି ଦେବାକୁ ଦାବି ହେଉଛି।ସ୍ଥାନୀୟ ସରପଞ୍ଚ ଙ୍କ ଜଣାନ୍ତରେ ଏହି କର୍ଯ୍ୟ ଚାଲୁଛି
