ପୋଡିହୋଇଯାଇଥିବା ବ୍ୟକ୍ତି ପ୍ରେମାନନ୍ଦ ରାଉଳଙ୍କୁ ଆର୍ଥିକ ସହାୟତା

କୁଜଙ୍ଗ ବ୍ଲକ ମଲ୍ହାସାହି ପଞ୍ଚାୟତ ଅନ୍ତର୍ଗତ ତାଳଦଣ୍ଡା ଗ୍ରାମର ପୋଡିହୋଇଯାଇଥିବା ବ୍ୟକ୍ତି ପ୍ରେମାନନ୍ଦ ରାଉଳଙ୍କୁ ସହାୟତାର ହାତ ବଢ଼ାଇଛନ୍ତି ଓଡ଼ିଶାର ଅଗ୍ରଣୀ ସ୍ୱେସ୍ଥାସେବୀ ଅନୁଷ୍ଠାନ ମା’ ତାରିଣୀ ହେଲପିଙ୍ଗ ହ୍ୟାଣ୍ଡସ | ସୂଚନା ଯୋଗ୍ୟ କି, ପ୍ରେମାନନ୍ଦଙ୍କ ଘରେ ନିଆଁ ଲାଗି ଯିବା ଫଳରେ ସେ ଏବଂ ତାଙ୍କ ପତ୍ନୀ ନିଆଁରେ ପୋଡି ହୋଇ ଯାଇଥିଲେ | 4-5 ଦିନ ଭିତରେ ପତ୍ନୀ ଆର ପାରିକୁ ଚାଲିଗଲେ | ପ୍ରେମାନନ୍ଦଙ୍କ ଶରୀରର ଶତକଡା 80 ରୁ 90 ଭାଗ ପୋଡି ହୋଇଯାଇଛି | ଅତ୍ୟନ୍ତ ଦୟନୀୟ ଅବସ୍ଥାରେ ବିଛଣାରେ ପଡି ରହି ଜୀବନ ମୃତ୍ୟୁ ସହ ସଂଗ୍ରାମ କରୁଛନ୍ତି | ଛୋଟ ଝିଅଟି ବି ଖାଇବାକୁ ଗଣ୍ଡାଏ ଠିକ ସେ ପାଉନି | ଯେଉଁଠି ମୁଠେ ଦାନା ମିଳିବା କଷ୍ଟକର ସେଠି ଚିକିସ୍ଥା ଲାଗି ଅର୍ଥ ବା କୁଆଡୁ ଆସିବ | ଚିକିସ୍ଥା ଲାଗି ଅର୍ଥ ସାଜିଛି ବାଧକ | ବିଭିନ୍ନ ଗଣମାଧ୍ୟମରୁ ଏହି ଦୁଃଖଦ ଖବର ପାଇ ମା ତାରିଣୀ ହେଲପିଙ୍ଗ ହ୍ୟାଣ୍ଡସର ସଭାପତି ତଥା ସମାଜସେବୀ ଇଞ୍ଜିନିୟର ଶଙ୍ଖେଶ୍ଵର ପ୍ରସାଦ ମହାନ୍ତିଙ୍କ ପରାମର୍ଶ କ୍ରମେ ବରିଷ୍ଠ ସଦସ୍ୟ ନନ୍ଦନନ୍ଦନ ଜୟସିଂ, ସବିତା କୁମାରୀ ମହାପାତ୍ର, ସଞ୍ଜୟ କୁମାର ବେହେରା, ସିଦ୍ଧାର୍ଥ ଶଙ୍କର ପ୍ରତିହାରୀ, ସୁଧାକର ମହାନ୍ତି ଏବଂ ରୁନିବାଳା ମଲ୍ଲିକ ପ୍ରମୁଖ ପ୍ରେମାନନ୍ଦଙ୍କ ବାସଭବନରେ ପହଞ୍ଚି ତାଙ୍କୁ ଦଶ ହଜାର ଟଙ୍କାର ଆର୍ଥିକ ସହାୟତା ଦେବା ସହ ତାଙ୍କର ଆଶୁ ଆରୋଗ୍ୟ କାମନା କରିଥିଲେ | ମା ତାରିଣୀ ହେଲପିଙ୍ଗ ହ୍ୟାଣ୍ଡସର ବଦାନ୍ୟତା ପାଇଁ ପ୍ରେମାନନ୍ଦ ଏବଂ ତାଙ୍କ ପରିବାର କୃତଜ୍ଞତା ଜଣାଇଥିବା ବେଳେ ଅନୁଷ୍ଠାନର ଏହି କାର୍ଯ୍ୟକୁ ସ୍ଥାନୀୟ ଅଞ୍ଚଳରେ ଭୁୟୀୟସୀ ପ୍ରଶଂସା କରାଯାଇଛି |କୁଜଙ୍ଗ ରୁ ପ୍ରସାଦ ସାହାଣୀ ଙ୍କ ରିପୋଟ