ମିନତୀ ନାୟକ ଙ୍କୁ ସାହଯ୍ୟ ର ହାତ ବଢାଇଲେ କେନ୍ଦ୍ରାପଡ଼ାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ

ଏରସମା :୧୩/୦୩ ଏରସମା ବ୍ଲକ ଚଟୁଆ ଗ୍ରାମପଞ୍ଚାୟତ ପୋଖରିଆପଡା ଗ୍ରାମର ମିନତୀ ନାୟକ ଓ ପୁଅ ସତ୍ୟଜିତ ସ୍ୱାଇଁ ଯିଏକି ଦିନେ ଖାଇଲେ ଦୁଇଦିନ ଉପାସରେ ରହୁଥିଲେ।ନା ଅଛି ରହିବା ପାଇଁ ଖଣ୍ଡେ ଘର ନା ପିନ୍ଧିବା ପାଇଁ ଭଲ ଲୁଗା,ନା ଖାଇବା ପାଇଁ ମୁଠାଏ ଭଲ ଖାଦ୍ୟ।ଅନେକେ ଦିନ ଧରି ସେ ଦାରିଦ୍ର୍ୟତା ରେ କାଳାତିପାତ କରିଆସୁଛନ୍ତି।ସେ ବିଷୟରେ ଜାଣିସାରିବା ପରେ ବ୍ୟାସ ଫାଉଣ୍ଡେସନର ଅଧକ୍ଷା ଓ ଉପସଭାନେତ୍ରୀ ରଶ୍ମିତା ନାୟକ ତାଙ୍କୁ ସାହାଯ୍ୟ କରି ଆସୁଛନ୍ତି।ବିଭିନ୍ନ ଗଣମାଧ୍ୟମରେ ପ୍ରଚାର କରାଇବା ଦ୍ୱାରା ଅନେକ ସଂଗଠନ ସାହାଯ୍ୟର ହାତ ବଢାଇଛନ୍ତି।ତାଙ୍କର ସମସ୍ତ ଦାୟିତ୍ୱ ଶ୍ରୀମତି ନାୟକ ବୁଝାବୁଝି କରୁଥିବା ବେଳେ ଆଜି ପଡୋଶୀ ଜିଲ୍ଲା କେନ୍ଦ୍ରାପଡ଼ାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ଶ୍ରୀ ଶ୍ରୀ ସଚିଦାନନ୍ଦ ଯୁବକ ସଙ୍ଘ ର କର୍ମକର୍ତା ମାନେ ଆସି ପହଞ୍ଚି ଥିଲେ। ମିନତୀଙ୍କ ନିକଟରେ ସଂଗଠନ ର ମୁଖ୍ୟ ପରାମର୍ଶ ଦାତା ପ୍ରଫୁଲ୍ଲ କୁମାର ଚୌଧୁରୀ ,ଗୌରବ ଜେନା, ଅଜିତ ବେହେରା, ସରୋଜ ବେହେରା,ସଞ୍ଜୟ ଜେନା, ମନୋଜ ଗୋଛୟତ, ବାବୁରାମ ସାହୁ, ଵିନୋଦ ମଲ୍ଲିକ,ସନ୍ତୋଷ ମଲ୍ଲିକ,ରଞ୍ଜିତ ବେହେରା,ଚଟୁଆ ସରପଞ୍ଚ ସରପଞ୍ଚ ପ୍ରକାଶ ସୁନ୍ଦରାୟ , ରଶ୍ମିତା ନାୟକ,ଯୁବ ସମାଜସେବୀ ଗଣେଷ ରାଉତ,ସଂଗ୍ରାମ ନାୟକ ପ୍ରମୁଖ ଉପସ୍ଥିତ ରହି ମିନତୀଙ୍କ ଚଳିବା ପାଇଁ ତିନିମାସ ର ରାସନ ସାମଗ୍ରୀ, ଲୁଗାପଟା, ପାଠ୍ୟଉପକରଣ ,କିଛି ଆର୍ଥିକ ସହାୟତା ପ୍ରଦାନ କରିବା ସହ,ଘର ଛାଉଣୀ ପାଇଁ ସମସ୍ତ ଖର୍ଚ୍ଚ ଓ ଆଗକୁ ପକ୍କା ଘର କରାଇବା ପାଇଁ ସମସ୍ତ ସାହାଯ୍ୟ କାରିବେ ବୋଲି ପ୍ରତିଶ୍ରୁତି ଦେଇଛନ୍ତି।ସୁଦୂର କେନ୍ଦ୍ରାପଡା ଜିଲ୍ଲା ର ଶ୍ରୀ ଶ୍ରୀ ସଚିଦାନନ୍ଦ ସ୍ବେଚ୍ଛାସେବୀ ଯୁବକ ସଙ୍ଘ ବଟିରାର ଏହିପରି ସାହାଯ୍ୟ ଓ ବୈଦାନ୍ୟତା ମନୋବୃତ୍ତି ଆଜି ସ୍ଥାନୀୟ ଜନସାଧାରଣରେ ପ୍ରଶଂସିତ ହେଉଅଛି। ଯାହାକୁ ଲୋକମାନେ ଭୁରି ଭୁରି ପ୍ରଶଂସା କରୁଛନ୍ତି।