ସିଜୁରେ ନାଟକ ପ୍ରତିଯୋଗିତା, ଗୋବିନ୍ଦପୁର ଚାମ୍ପିୟନ, ରଞ୍ଜନ ବର୍ଦ୍ଧନ ନିଦ୍ଦେର୍ଶକ

କୁଜଙ୍ଗ :୧/୦୩ କୁଜଙ୍ଗ ବ୍ଲକ କୋଠୀ ପଂଚାୟତ ର ସିଜୁ ଗ୍ରାମରେ ଅନୁଷ୍ଠିତ ପ୍ରଥମ ବାର୍ଷିକ ମୁକ୍ତ ମଞ୍ଚ ନାଟକ ପ୍ରତିଯୋଗୀତା ଉଦଯାପିତ ହୋଇଯାଇଛି। ଉକ୍ତ ପ୍ରତିଯୋଗୀତା ରେ ଚାରିଟି ଦଳ ପ୍ରତିଯୋଗୀତା ରେ ଅଂଶ ଗ୍ରହଣ କରିଥିଲେ। ସିଜୁ ଗ୍ରାମ୍ୟ କମିଟି ଦ୍ବାରା ଆୟୋଜିତ ମା ମଙ୍ଗଳା ପପି ୟଙ୍ଗଷ୍ଟାର, ଗୋବିନ୍ଦପୁର ଚାମ୍ପିଅନ ହୋଇଥିଲା ବେଳେ ମା ଚାଇଁ ମାଇଁ ଡ୍ରାମା ଟିକ କ୍ଳବ୍,କୋଠୀ ଦ୍ଵିତୀୟ ସ୍ଥାନ ଅଧିକାର କରିଛି। ପ୍ରଥମ ରାତିରେ ପ୍ରଦୀପ୍ତ ଶତପଥୀ ଙ୍କ ନିର୍ଦ୍ଦେଶିତ ଆୟୋଜକ ସିଜୁ ଦଳ “ତୋ ଲାଗି ଗୋପଦାଣ୍ଡ ମନା” ନାଟକ ମଞ୍ଚସ୍ଥ କରିଥିଲା। ଦ୍ଵିତୀୟ ରାତିରେ କୋଠୀ ଦଳ ବିକ୍ରମ ମହାପାତ୍ର ଙ୍କ ନିର୍ଦ୍ଦେଶିତ ନାଟକ ” ଯିଏ ବାହା ହେବ ସିଏ ମରିବ”,ତୃତୀୟ ରଜନୀରେ ଝିମାଣି ଦଳ ରୋହିତ ରାଉତ ଙ୍କ ନିର୍ଦ୍ଦେଶିତ ନାଟକ “କର୍ଣ୍ଣ ଖୋଜୁଛି ତା ନିଜ ଠିକଣା”, ଚତୁର୍ଥ ରାତିରେ ଗୋବିନ୍ଦପୁର ଦଳ ରଞ୍ଜନ ବର୍ଦ୍ଧନ ଙ୍କ ନିର୍ଦ୍ଦେଶିତ ନାଟକ “ଆଖି ଅବୁଝା କୁ ଲୁହ ଅବୁଝା” ପଞ୍ଚମ ତଥା ଶେଷ ରଜନୀରେ ନୁଣୁକୁଆ ଦଳ ତୁଷାର ପଟ୍ଟନାୟକ ଙ୍କ ନିର୍ଦ୍ଦେଶିତ ନାଟକ “ଚକା ଭଉଁରୀ” ନାଟକ ପରିବେଷଣ କରିଥିଲେ। ଶେଷ ସନ୍ଧ୍ୟାରେ ପାରାଦୀପ ବିଧାୟକ ସମ୍ବିତ ରାଉତରାୟ ଅତିଥି ଭାବରେ ଯୋଗ ଦେଇଥିଲେ। ପୁରସ୍କାର ବିତରଣ ସଭାରେ ସମାଜସେବୀ ବାଳକୃଷ୍ଣ ଜେନା ଓ କୋଠୀ ସରପଞ୍ଚ ଲକ୍ଷ୍ମୀଧର ସାହୁ ଯୋଗ ଦେଇ କୃତି ଦଳ ଓ କୃତି କଳାକାର ଙ୍କୁ ପୁରସ୍କୃତ କରିଥିଲେ। ଶ୍ରେଷ୍ଠ ନିର୍ଦ୍ଦେଶକ ଭାବେ ଯୁବ ନିର୍ଦ୍ଦେଶକ ରଞ୍ଜନ ବର୍ଦ୍ଧନ,ଶ୍ରେଷ୍ଟ ଖଳନାୟକ ଭାବେ ସନ୍ତୋଷ ସାହୁ,ଶ୍ରେଷ୍ଠ ଖଳନାୟିକା ବି ମଧୁସ୍ମିତା,ଶ୍ରେଷ୍ଠ ଚରିତ୍ର ବିକ୍ରମ ମହାପାତ୍ର,ନାରୀ ଚରିତ୍ର ଦେବଯାନୀ ଓଝା, ହାସ୍ୟ ଅଭିନେତା ସୁଶାନ୍ତ ନାୟକ,ହାସ୍ୟ ଅଭିନେତ୍ରୀ କାଜଲ,କ୍ରୁକେଟ୍ କମେଡି ଅତୁଲ୍ୟ ବର୍ଦ୍ଧନ,ନାୟକ ଜ୍ୟୋତିରଂଜନ,ନାୟିକା ମାମା ପ୍ରଭୁତି ପୁରସ୍କୃତ ହୋଇଥିଲେ।କୁଜଙ୍ଗ, ଜଗତସିଂହପୁର ରୁ ପ୍ରସାଦ ସାହାଣୀ ଙ୍କ ରିପୋଟ