ମାନ୍ୟବର ଶ୍ରୀଯୁକ୍ତ ଅତନୁ ସବ୍ୟସାଚୀ ନାୟକ,ସମବାୟ ଓ ଖାଦ୍ୟ ଯୋଗାଣ ମନ୍ତ୍ରୀ ନିୟନ୍ତ୍ରିତ ବଜାର କମିଟି ରାହାମା କାର୍ଯ୍ୟାଳୟ ପରିଦର୍ଶନ

ଜଗତସିଂହପୁର ତା 25/02/2023 ରିଖ ଶନିବାର ସାରଳା ମହାବିଦ୍ୟାଳୟ ରାହାମାର ଛାତ୍ର ସଂସଦ ବାର୍ଷିକ ସମାରୋହରେ ଯୋଗଦେବା ଅବସରରେ ମାନ୍ୟବର ଶ୍ରୀଯୁକ୍ତ ଅତନୁ ସବ୍ୟସାଚୀ ନାୟକ ମନ୍ତ୍ରୀ ମହୋଦୟ ସମବାୟ,ଖାଦ୍ୟ ଯୋଗାଣ ଓ ଖାଉଟି କଲ୍ୟାଣ ବିଭାଗ ଓଡିଶାସରକାର ଙ୍କୁ ମାନ୍ୟବର ବିଧାୟକ ଶ୍ରୀଯୁକ୍ତ ସମ୍ବିତ ରାଉତରାଏଙ୍କ ଅନୁରୋଧ କ୍ରମେ ରାହାମାରେ ଥିବା ନିୟନ୍ତ୍ରିତ ବଜାର କମିଟି ରାହାମା କାର୍ଯ୍ୟାଳୟ ପରିଦର୍ଶନ କରିଥିଲେ ତାଙ୍କ ଆଗମନରେ ଅଖିଳ ଭାରତୀୟ ଗ୍ରାହକ କଲ୍ୟାଣ ପରିଷଦ ର ଜାତୀୟ ମୁଖପାତ୍ର ଓ ଓଡିଶା ରାଜ୍ୟ ସମ୍ପାଦକ ଡ଼ଃ ସୁନାକର ବେହେରା ପୁଷ୍ପଗୁଛ ଦେଇ ସମ୍ବର୍ଦ୍ଧନା କରିବାସହିତ ମୁଖ୍ୟମନ୍ତ୍ରୀ ସଡ଼କ ସୁରକ୍ଷା ଯୋଜନା ବୋର୍ଡର ଉପଦେଷ୍ଟା ଶ୍ରୀମତୀ ସବିତା ମହାପାତ୍ର,ପଞ୍ଚାୟତ ସମିତି ଅଧ୍ୟକ୍ଷା କୁଜଙ୍ଗ ଶ୍ରୀମତୀ ନିନାରାଣୀ ସାହୁ,ନିୟନ୍ତ୍ରିତ ବଜାର କମିଟିର ବରିଷ୍ଠ ସଦସ୍ୟ ଶ୍ରୀଯୁକ୍ତ ସଞ୍ଜୟ କୁମାର ମହାନ୍ତି,ପ୍ରଭଞ୍ଜନ ରାଉତରାୟ ,ଶ୍ରୀମତୀ ପ୍ରଭାତୀ ମାଡାମ ଙ୍କ ସହିତ ସମ୍ପାଦକ ବିଶ୍ୱନାଥ ମହାନ୍ତି,ଶୁଭପ୍ରସାଦ ବିଶ୍ୱାଳ ଏବଂ ଅନ୍ୟାନ ସଭ୍ୟ ଓ ବରିଷ୍ଠ କୃଷକ ବନ୍ଧୁ ବରିଷ୍ଠ ନାଗରିକ ମାନେ ଉପସ୍ଥିତ ରହି ସମ୍ବର୍ଦ୍ଧନା ପ୍ରଦାନ କରିଥିଲେ.ସମାଜସେବୀ ଡ଼ଃ ବେହେରା ମନ୍ତ୍ରୀ ମହୋଦୟ ଓ ବିଧାୟକଙ୍କ ସହିତ ପରିଚାଳନା ସମିତିର ସଭ୍ୟ/ସଭ୍ୟା ମାନଙ୍କୁ ରାହାମା ଆ:ର:ଏମ:ସିର ସର୍ବାଙ୍ଗୀନ ଉନ୍ନତି ଓ କୃଷକ ବଜାର ନିମନ୍ତେ 54″ବଖରା ମାର୍କେଟ କମ୍ପ୍ଲେକ୍ସ ରାହାମା ଲଟେରୀଦ୍ୱାରା ବଣ୍ଟନ ହୋଇଥିଲେ ମଧ୍ୟ ଆଜକୁ ଦୁଇ ମାସରୁ ଅଧିକ ସମୟ ହୋଇ ଗଲାଣି ଦୋକାନ ଗୃହ ଖୋଲାଯାଇ ପାରୁନାହିଁ କାରଣ ସରକାରଙ୍କ ଦ୍ୱାରା ଜଗତସିଂହପୁର ଜିଲ୍ଲା ମଧ୍ୟରେ ଆରଏମସି ଦ୍ୱାରା ନିର୍ମାଣ କରାଯାଇଥିବା ମାର୍କେଟ କମ୍ପ୍ଲେକ୍ସ ଚାଷୀଙ୍କପାଇଁ ସର୍ବନିମ୍ନ ଭଡା ରହିଥିବା ସ୍ଥଳେ ରାହାମାରେ ତାର ବ୍ୟତିକ୍ରମ ଅନ୍ୟାନ୍ୟ ବଜାରରେ ସିକୁରିଟି ପଚାଶ ହଜାର ଥିବାସ୍ଥଳେ ରାହାମା ଆରଏମସି ଦୁଇ ଲକ୍ଷରୁ ଅଢେଇ ଲକ୍ଷ୍ୟ ଟଙ୍କା ନେବା ସହିତ ଉକ୍ତ ଗୃହର ମାସିକ ଭଡା ତଳ ଓ ଉପର ଗୃହକୁ ଚାରି ହଜାର ଥିବାସ୍ଥଳେ ପଛପଟ କମ୍ପ୍ଲେକ୍ସ ଗୃହ ସମପରି ଅଢେଇ ହଜାର ମଧ୍ୟରେ ରହିଅଛି. ଜଣେ ସାଧାରଣ ଚାଷୀଟିଏ ଲଟେରୀ ଚୟନ ଦ୍ୱାରା ଗୃହଟି ପାଇଥିଲେ ମଧ୍ୟ ଭଡାର ଆର୍ଥିକ ବୋଝ ଅସହ୍ୟ ହୋଇ ବୋଝ ଉପରେ ଲଳିତା ବିଡା ସଦୃଶ ହୋଇଛି. ସାଧାରଣ ବୁଦ୍ଧିଜୀବୀ ମହଲରେ ଏହାକୁନେଇ ଆଲୋଚନା ଲାଗିରହିଛି. ବେସରକାରୀ ଘରଭଡ଼ା ଠାରୁ ଦୁଇଗୁଣ ଅଧିକ ଭଡା କିପରି କମିଟିଦ୍ୱାରା ସ୍ଥିର କରାଗଲା ଏହାକୁ ନେଇ ସାଧାରଣରେ ପ୍ରଶ୍ନ.ଆହୁରୀଏକ ସମସ୍ୟା ମାର୍କେଟ କମ୍ପ୍ଲେକ୍ସ ସମୁଖକୁ ପକା କଂକ୍ରିଟ କରାଯାଇ ନଥିବାରୁ ଦୋକାନ ଖୋଲିବା ସମ୍ଭବ ହୋଇ ପାରୁନାହିଁ କି ଅସାଧୁ ମାଲଗାଡି ଡ୍ରାଇଭର ଓ ମାଲିକମାନେ ପ୍ରତେକ ଦିନ 20 ରୁ 30ଟି ନିଜର ଗାଡିଗୁଡିକୁ ଭଡା ଉଦ୍ଦେଶ୍ୟରେ ଠିଆ କରିବାଦ୍ବାରା ଘର ପାଇଥିବା ଚାଷୀଟି ନିଜର ପଣ୍ୟଦ୍ରବ୍ୟ ବିକ୍ରୟ କୁ ନେଇ ଚିନ୍ତିତ ରହିଅଛି.ଏହିସବୁ କାରଣକୁ ପ୍ରମୁଖ ଗୁରୁତ୍ୱର ସହ ବିଚାର କରିବାକୁ ମାନ୍ୟବର ମନ୍ତ୍ରୀ,ବିଧାୟକ ଓ ଆରଏମସି ଅଧ୍ୟକ୍ଷ ଅତିରିକ୍ତ ଜିଲ୍ଲପାଳ ପାରାଦ୍ୱୀପଙ୍କୁ ଶ୍ରୀଯୁକ୍ତ ବେହେରା ଦୃଷ୍ଟି ଗୋଚର କରି ନିବେଦନ କରିଅଛନ୍ତି.ଜଗତସିଂହପୁର ରୁ ପ୍ରସାଦ ସାହାଣୀ ଙ୍କ ରିପୋଟ