ବିଦ୍ୟୁତ ଷ୍ଟ୍ରକଚର କାର୍ଯ୍ଯକ୍ଷମ ହେବ କେବେ

ଏରସମା:୨୩/୦୨ ଏରସମା ବ୍ଲକ ବାଲିତୁଠ ପଞ୍ଚାୟତର ବଡଗବପୁରଠାରେ ଦିର୍ଘ ୫ବର୍ଷରୁ ଉର୍ଦ୍ଧ ସମୟହେବ ବିଦ୍ୟୁତ ଷ୍ଟ୍ରକଚର ନିର୍ମାଣ କାର୍ଯ୍ୟ ଚାଲିଛି. ମାତ୍ର ନିର୍ମାଣ କାର୍ଯ୍ୟ ମନ୍ଥର ଗତିରେ ଚାଲୁଥିବାରୁ ତାହା ଏଯାବତ ଶେଷହୋଇପାରିନଥିବା ଅଭିଯୋଗ ହୋଇଛି. ଚଟୁଆସ୍ଥିତ ଟିପିସିଓଡିଏଲର ଅଧିନରେ ଥିବା ବାଲିତୁଠ, ବାମଦେଇପୁର, ବଳେଇପୁର, ଚଟୁଆ, ଭିତର ଅନ୍ଧାରୀ, କୁଞ୍ଜକୋଠୀ, ପାଟପୁର, ପୋତାନଇ ପଞ୍ଚାୟତରେ ବିଦ୍ୟୁତ ଉପଭୋକ୍ତା ମାନେ ଉପକୃତ ହେବେ. ଯେଉଁ ଲକ୍ଷ୍ୟ ନେଇ ଏହି ବିଦ୍ୟୁତ ଷ୍ଟ୍ରକଚର କାର୍ଯ୍ଯ ଆରମ୍ଭ ହୋଇଥିଲା ତାହା ବର୍ଷ ବର୍ଷ ଧରି ଅଧାପନ୍ତରିଆ ଭାବେ ପଡିରହିଛି. ଯେଉଁଥିପାଇଁ ଉପଭୋକ୍ତାଙ୍କ ସମସ୍ଯା ସମାଧାନ ହୋଇପାରୁନାହିଁ. ଏକ ସମୟରେ ଢିଙ୍କିଆ ପଞ୍ଚାୟତର ତ୍ରିଲୋଚନପୁର ଠାରେ ଏକ ଷ୍ଟ୍ରକଚର ନିର୍ମାଣ କରାଯାଇଥିଲା. ଯାହା ୧ବର୍ଷରୁ ଉର୍ଦ୍ଧ ସମୟ ହେବ କାର୍ଯ୍ଯକ୍ଷମ ହେଲାଣି. କିନ୍ତୁ ଚଟୁଆ ଅଧିନ ଷ୍ଟ୍ରକଚର କାର୍ଯ୍ଯ ଶେଷ ହୋଇନଥିବା କାରଣ କଣ ବୋଲି ସାଧାରଣରେ ପ୍ରଶ୍ନ ଉଠିଛି. ଏଣୁ ତୁରନ୍ତ ଏହି ଷ୍ଟ୍ରକଚର କାର୍ଯ୍ଯ ଶେଷ କରାଯାଇ କାର୍ଯ୍ଯକ୍ଷମ କରିବାକୁ ବିଭାଗୀୟ ଅଧିକାରୀ, ଜିଲ୍ଲା ପ୍ରଶାସନ ନିକଟରେ ବାମଦେଇପୁର ସମିତି ସଭ୍ୟ ବିକ୍ରମ ମହାପାତ୍ର, ଇନ୍ଦ୍ରଜିତ ପରିଡା , ଅନୁଜ ରାୟ, ଯୁବନେତା ମାନଗୋବିନ୍ଦ ଦାସ, ସମ୍ପାଦକ ପ୍ରଭାସ ଆଚାର୍ଯ୍ୟ,ପୂର୍ବତନ ସରପଞ୍ଚ ଗୋପିନାଥ ସାମନ୍ତରାୟ, ବିଭୁରଞ୍ଜନ ସାମନ୍ତରାୟ, ପ୍ରଦାୟିନୀ ମହାନ୍ତି, ସମାଜ ସେବୀ କମ୍ରେଡ ବାବୁ ପଞ୍ଚାନନ, ଶୁଦର୍ଶନ ରାଉତ, ଯୁବ ନେତା ମହେନ୍ଦ୍ର ଜେନା, ପ୍ରଭାତ ଦାସ ପ୍ରମୁଖ ଦାବିକରିଛନ୍ତି।ଜଗତସିଂହପୁର ରୁ ପ୍ରସାଦ ସାହାଣୀ ଙ୍କ ରିପୋଟ