କୁଜଙ୍ଗ : ୧୯/୦୨ ( ପ୍ରସାଦ ସାହାଣୀ ଙ୍କ ରିପୋର୍ଟ)
କୁଜଙ୍ଗବ୍ଲକ ବଗଦିଆ ପଞ୍ଚାୟତରେ ସ୍ଥାନୀୟ ବିଧାୟକ ସମ୍ବିତ ରାଉତରାୟ ବିଭିନ୍ନ ପ୍ରକଳ୍ପର ଶିଳାନ୍ଯାସ କରିଛନ୍ତି। ଆଜି ଅପରାହ୍ନରେ ପ୍ରଥମେ ଡାଳିମପୁର ଗ୍ରାମରେ ଏକ କଲ୍ୟାଣ ମଣ୍ଡପର ଶିଳାନ୍ଯାସ କରାଯାଇଥିବା ବେଳେ ପାନୀୟ ଜଳ ସମସ୍ଯାର ସମାଧାନ ପାଇଁ ଖୁବଶୀଘ୍ର ରାଜ୍ଯ ସରକାର ତାଳଦଣ୍ଡା ଓ ତାରପୁର ଠାରେ ଦୁଇଟି ମେଗା ଜଳପ୍ରକଳ୍ପ କାର୍ଯ୍ୟକାରୀ କରିବେ ବୋଲି କହିଥିଲେ। ବୈଠକରେ ଅନ୍ୟମାନଙ୍କ ମଧ୍ୟରେ କୁଜଙ୍ଗ ପଞ୍ଚାୟତ ସମିତି ଅଧ୍ୟକ୍ଷା ନୀନାରାଣୀ ସାହୁ, ସରପଞ୍ଚ ମଞ୍ଜୁଲତା ବେହେରା, ସମିତି ସଭ୍ୟ ପବିତ୍ର ସେଠୀ, ଜିଲ୍ଲାପରିଷଦ ସଦସ୍ୟ କନକପ୍ରଭା ଲେଙ୍କା ପ୍ରମୁଖ ବକ୍ତବ୍ୟ ରଖିଥିଲେ। ବଗଦିଆ ପଞ୍ଚାୟତ ବିଜେଡି ସଭାପତି ତଥା ସମାଜସେବୀ ଦୀପକ ସାମନ୍ତରାୟ କାର୍ଯ୍ୟକ୍ରମ ପରିଚାଳନା କରିଥିଲେ। ପରେ ବିଧାୟକ ରାଉତରାୟ ନୂଆସାହି ଗ୍ରାମର ବଗଦିଆ-ନୂଆସାହି କମୁନିଟି ହଲର ଶିଳାନ୍ୟାସ କରିଥିଲେ। ସେହିପରି ଗଦିଆଠାରେ ମା’ ବନଦୁର୍ଗା ୟୁଥକ୍ଲବ ଓ ରାଜୀବଗାନ୍ଧୀ ସେବାକେନ୍ଦ୍ର ଗୃହର ଶିଳାନ୍ୟାସ କରିଥିଲେ। କୋଠୀ ସରପଞ୍ଚ ଲକ୍ଷ୍ମୀଧର ସାହୁ, ସୁରେନ୍ଦ୍ର ତରାଇ, ସୁରେନ୍ଦ୍ର ସ୍ଵାଇଁ, ଯୋଗେନ୍ଦ୍ର ସ୍ଵାଇଁ, ଯୁବସମାଜସେବୀ ଅରୁଣ କୁମାର ବେହେରା, ସଚିତ୍ର ମହାନ୍ତି, ସୁଧାଂଶୁ ବେହେରା, ପୀତାମ୍ବର ପ୍ରସାଦ ମାଝୀ, ଅଭୟ କୁମାର ସାହୁ, ହରେକୃଷ୍ଣ ବସନ୍ତିଆ, ବିଶ୍ବଯିତ ଖୁଂଟିଆ, ସର୍ବେଶ୍ବର ପ୍ରଧାନ, ଦୀପକ ଦାସ ପ୍ରମୁଖ ସହଯୋଗ କରିଥିଲେ।
